Kaotia Amerika ae bure aia takete man aia US Drone, are a mate iai 7 ataei.
N aia kakae te NewYork Times ao te Washington Post , ao a kaotia ae te boom are kabwaka US Military n tiringiia tan karebebom nte Kabul International Aiport bwa e bure aia taakete.
E kaotaki ae akea taan kakamaku aika mate ma bon ti te tia mwakuri ni ibuobuoki temanna ma natina aika itiman ake a mate nte boom ni kabomwi aio.
N 25 n August ao e karina n rebwetaua nanon te marae ngke a tabe ni iangoi birinakoia kain Afghanistan ibukin makakin Taliban. Nte bong are imwiina ao e rebwetaua te auti teuana irarikin te Airport ike a taekinna te US military bwa e bomwiia taan kakamaku.
Nte tai aio ao ea oti mwiin aia boon aio bwa ngaia e bure aia aomata aika a kamateia, a mate naba 7 ataei nte kabwaka boom anne.
E kakubanako taian riboti aikai ngkai iai rekereken te tautaeka n Amerika ma beebwa aikai, Tera te boto ni iango, tao a kataia ni manga eutarake te kakiriwe iaon Afghanistan, ke tao e bon eti te ribooti?. Akea ae ata raoi bukin riboti aikai.
Ma e ataaki ae iai aan riboti aikai, ao n angin te tai te kanangaraoi nakon taian Foreign Policies man ana itera Amerika.